الشاعر الشيخ بن محمد بوراس
هبلني يا خاوتي هاذ الماضي،
خلاني مرصون بالذكرى ونڨول
و.. نتفكر ليام يكثر تخواضي،
نتنجرف ونعود هايم كالمهبول
في دفدوفي راه زايد تلضاضي،
من صهدة نيرانها راني معلول
ياك انا صياد ولصيدي حاضي
مانبغيش الصيد من غيري مقتول
وانا صيدي نفضله بيا راضي
يتبرشم ماهوش بالغصبة مختول
نصفاها ساحة الوْغى وانا فاضي
ونحيحي بر العفى وحدي ونجول
ونفتش ذيك الدشر والاراضي
ونبهم نلقى محجها دار، دغول؟!
فات عليه الدهر ومحاه نباضي
جف من العينين محجك يا بتول
ياطفلة زبدي طوالي واعراضي
قلبك سمنتيه قي قلبي مسلول
يا فلة زيدي نصاعي وابياضي،
ياك الشمس الباهية تغرب وتزول
هولني ياخاوتي ذاك الماضي
قعدو ذكريات من باهية الطول
حبك ماهو مالكي لا إباضي،
عفريتك مرموح يتبدل ويحول
بنت امحمد ما حكم فيها قاضي
ما نفذ، لي حكمها واحد مقبول
نتفكر ننسى امحاني واحضاضي
هاف زهرنا ساح كي نوار الفول
بلسم جرحي قهوتي بعد نواضي
مجنونة مازال ترسل في مرسول
تنبش في قبري تخبل تعواضي،
خلات المارات من حبة وسبول..
ليست هناك تعليقات